其中JR線，一名成人攜帶兩名未滿六歲或未進小學之幼兒，其中兩名幼兒不用買票，如超過兩名者，第三名才需要購買兒童票，實在令親子日本遊的車費慳下一筆。

但不像香港，東京食肆並未實行全面禁煙。就算多美味的燒肉店，拉麵店或居酒屋，大多瀰漫著一片煙霧。

像我般香港人實在不習慣，完成一頓豐富晚餐後，不但身上衣物滿是煙味，相信連你個肺亦不能倖免！

所以，帶著嬰兒及小朋友，或是孕婦的旅友，盡量找一些大的食肆，希望能找到一個非吸煙區，避免去日本人集結的居酒屋，因此處正係日本人放工後煲煙的好地方。

媲美香港時代廣場的Emporium 五樓的Food Hall ，排場與其他Food Court無兩樣，但食物質素相當高。

尤其青木瓜沙律及雞飯，更是不得不食。

價錢大眾化之餘，仲提供舒適環境。其他如撈麵或炒粉都有一定水準，如旅友突然諗唔到食咩，可以一試。

地址: 622 Sukhumvit Road, Klongtoey, Bangkok, Thailand 10110 (BTS: Phrom Phong)

爸爸們如覺得悶可以去隔離的汽車精品店(行出博物館向左行二百米左右)，規模好大，應有盡有。

俾個價錢爸爸們參考下

橫浜附近有個大型Outlet，又係掃貨的時候。JR線新衫田車站落，海傍方向行十五分鐘就到，風景靚到不得了。

不過大家唔好期望太高，Outlet入面貨品雖多，但價錢一點都不便宜。

今次我地住品川，Prince  Hotel。帶著兒子，行程又係離不開水族館、動物園，卡通博物館。

Prince Hotel 樓下剛好有個水族館，初時以為好細，無咩好睇，點知都有驚喜。入面的玻璃隧道好短，都係鯊魚及魔鬼魚啦。較o岩時間，可分別睇埋海獅及海豚表演。今次睇既海豚表演同平時有d唔同，點解要著雨衣?

原來海豚係會不停將水潑去觀眾席，連岸上的訓練員都會射水槍，攪攪氣氛，打成一片。仲有既就係竟然會有鯨魚表演，香港海洋公園已無得睇了。呢條鯨魚主要係跳上去，撻落水，將水花潑到幾層樓高，前四行的觀眾都濕哂，終於明點解睇海豚都要著雨衣。

就係呢條鯨魚，我估係抹香鯨。

之後仲可以落去摸海豚，承惠1700 yen。

之後我地仲去左彩虹橋附近，台場海浜公園。附近有新開既Legoland，小朋友聽到一定兩眼發光，我個仔都唔例外。JR線去到新橋站轉Yurikamome線去台場。

小朋友喜愛的Legoland，不過見面不如聞名，麻麻地。

彩虹橋，青馬大橋差唔多。

曼谷一年去一次，已去到悶，加上可以俾小朋友玩的地方唔多，都係shopping and shopping。老友提議去芭堤雅，佢地有多次經驗，一於跟住去。

今次老友一早訂好機票，酒店，再加埋租車。

機票無咩特別，酒店係租左有獨立泳池的渡假屋，外觀唔錯，內部裝修不算豪華，但勝在有四間獨立套房，游完水唔使爭沖涼。廚房好大，我地朝朝都自己整早餐，確有另一番風味。

http://www.thailandholidayhomes.com/pattaya-villa-138-117.html

另外在AVIS租車，在曼谷機場取車，自己揸車直闖芭堤雅。初時都會擔心在泰國自駕好煩，怕唔識睇路牌，原來有GPS，自駕無難度。我地租4天，折合$1500港幣，加埋$400油錢，好鬼抵。好過搭車，又要周圍搵的士。芭堤雅基本上都可周圍泊車，而且好多商場都免費泊車的。

大定記住要租COROLLA，唔好租CIVIC，因CIVIC 錶板用液晶顯示，好易睇到油用左幾多，到最後還車時，要CHECK油針就蝕底了。最後提提，曼谷去芭堤雅120公里，大約1小時15分鐘到啦。

http://www.avis.com/car-rental/location/details.ac?LOCATIONCODE=DMK

帶住小朋友，最好行程就係動物園。呢個動物園好大，可以自己揸車入去，想睇咩就停低架車慢慢睇，如無租車，都可租高球車。

仲可以餵小動物，又可近距離接觸鹿仔，一個唔錯的親子活動。

http://www.kkopenzoo.com/en_about_us01.html

當然去芭堤雅要去珊瑚島啦。去到碼頭，一定有船家叫你包快艇去，來回大約$625港幣，算合理，一架快艇可坐十人左右，15-20分鐘就到達。珊瑚島有好多水上活動玩，但大家盡量唔好玩水底漫步，因為D泰仔唔知輕重，好大力咁扯你落水底，好易整到條頸椎，到時有咩事就無謂了。

提提大家兌換泰銖，在機場先換幾百銖，足夠高速公路收費。到了芭堤雅再兌，匯率高好多的。

原來根本無此事，皇宮照常營業，那些人只是各懷鬼胎，切法阻止你地入皇宮，可能希望你地轉去附近景點，以便收取回佣。其實只要細心留意廣播，已提醒遊客不要誤信傳言。大家要留意了。

酒店忠孝復興站附近，說是附近，但都要行十五分鐘，我們搭機場巴士到遠東酒店落車，再行約廿分鐘到酒店。房間不太大，但裝修不錯，算是時尚。房間外面無景觀，訂房時可免加錢要有窗的房間。

放低行李後都近六點，出動搵食。鼎王嘆麻辣火鍋。鴛鴦鍋：一邊麻辣，一邊酸菜白肉。酸菜白肉，還有麻辣鍋的豬紅豆腐會不斷添加，可以不用花錢點。

推介油炸鬼，好脆，好正。台灣啤酒一流。

食到飽返酒店冲個涼，再去附近誠品打書釘，聞名不如見面，一打兩個鐘，肚又空空，當然去夜市啦。眾多夜市中，首推饒河街。

街舖三排並立，整齊有序，而且不會污煙障氣。蜂蜜苦瓜汁、冬瓜茶、鹽酥排骨都唔錯，唯獨蚵仔煎及燒粟米就不是我杯茶。

瞓左一覺好，一起身已經十點幾。趕快去君悅排骨食早餐，有幾好味，連劉德華都去wor。

排骨麵，無得頂！

早餐食完，到附近閒逛，有三間Sogo等住你掃，不過一般都貴過香港，以致收穫不多。

行過有間天仁茗茶，整返杯珍珠奶茶先。

味道如何? 十分好呀!

游走在幾間Sogo中間，好不容易到了晚飯時間，鼎泰豐。

不過可能有一點期望，總覺得不外如是，不去也罷！

台北高樓的遠景，雲好像比香港白一點，其他分別不大呢！